DBHko Praktika ONak diseinatzen

Oraingoan, ikasleen eta irakasleen konpetentzia digitala garatu ahal izateko praktika on bat gertatzeko baldintzak batu ditugu. Gure gaitasun digitala martxan jarri dugu eta Google Drivearen bitartez bildu ditugu baldintzak.

DBH-ko Praktika ONak diseinatzen

Publish at Calameo

Ikusten duzuen bezala Derrigorrezko Bigarren Hezkuntzako praktika on bat emateko baldintzak multzokatu ditugu praktika on baten osagaiak oinarri hartuta. Osagai hauetariko bakoitzean dauden baldintzak praktika on bat izateko gutxienez eduki behar direnetatik bikain aritzeko behar direnetara arte sailkatu ditugu.

Jarduera oso interesgarria izan da, taldekide guztion ideiak eta proposamenak oso baliagarriak izan direlako.

Praktika onak eta estrategia metodologikoak

Ainhoa Pujanaren bideoa ikusi eta gero, praktika onak lortzeko osagaiei buruz pentsatzen aritu naiz. Oso interesgarriak eta egokiaki iruditu zaizkit Ainhoa Pujanak aurkeztu dituen sei, ingelesez Cdun, osagaiak.

Praktika onak lortzeko formulari ezinbestekoa den gauza bat falta zaiola uste dut: NAHIA. Honi esker, aipatutako osagai guztiak aurrera eraman ahal ditugulako. Beraz, praktika onen formula honako hau dela esan genezake:

Formula lortu dugun arren, irakasteko estrategia metodologikoak behar ditugu. Bestela ezingo genuke irakaskuntza egoera egokirik sortu. Ainhoa Pujanak adierazi duen bezala, irakasle guztiok daukagu estrategia metodologikodun motxila bat. Bakoitzak berea du eta ez du zertan ondokoaren motxilaren kopia bat izan behar. Nire kasuan, eta nire motxilatxoa antolatzeko eta betetzeko asmoarekin, estrategia hauek daude barruan eya beste hauek sartuko ditut.

Dauzkadanetatik ez dut bat bera ere kendu nahi, baina oraingoz bi gehiago sartzeko prest nago. Ez dut motxila pisutsu eta konplexu bat nahi, egokia eta zehatza ordea. Hala ere, beharbada denborak aurrera egiten duen heinean motxilaren berrantolaketa gehiago egin beharko ditut.

Aipatutako guztiagatik, irakasle on batek praktika onen formula eta estrategia metodologikodun motxila eguneratua izan behar du bere lana ahalik eta hoberen burutzeko.

Gaitasun digitala neurtzen

Aurrekoan markoei buruzko hausnarketa egin nuen, zeinetan jarrera irekiaz eta gaitasun digitala lantzeko bost ataletaz erreflexionatu nuen. Oraingoan ordea, konpetentzia digitala neurtzeko galdetegiaz arituko naiz. eDIGCOMP ikastaroan IKANOS proiektuaren berri izan baitugu.

IKANOS proiektuak gaitasun digitalak ebaluatzeko autodiagnostikoko galdetegi bat du, on-line egiten dena. Galdetegi honi esker hiritar bezala daukagun profil digitalaren berri izan ahal dugu. Era erraz batean eta 15 munututan, gutxi gorabehera, egiten den inkesta bat da. Emaitzak aginte taula eta txosten baten bidez helarazten dizkizute momentuan bertan.

2. jarduera gisa, IKANOSen galdeketa egin behar izan dugu. Benetan interesgarria den inkesta bat da, bakoitzaren gaitasun digitala neurtzen delako. Esan bezala, 15 minutu inguruko ariketa da, baina niri luze samarra iruditu zait. Zenbait kasutan ITEMak orokorregiak iruditu zaizkit, beharbada zehatzagoak balira, zuzenago erantzungo nuke. Hala ere, nire ustez gaitasun digitalaren arlo guztiak ukitzen ditu inkestak. Beraz, esan nezake, erraminta egokia dela konpetentzia digitala neurtzeko.

Aipatu bezala, galdetegia egin eta emaitzak eskuratu ditut. Galdeketa egiten nuen bitartean guztiz kontzentratuta nenbilen ITEM bakoitzean, erantzunak ahalik eta zuzenenak emateko. Emaitzak agertu direnean ordea, zenbait sentimendu kontrajarri izan ditut. Alde batetik, poztu naiz eta harro sentitu naizela onartu behar dut; urteak baitaramatzat konpetentzia digitalean trebatzen. Baina bestetik, dezepzioa sentitu dut, uste baino hutsune gehiago ditudalako.

Laburbilduz, IKANOSek eskura jartzen duen galdetegia guztiz baliagarria da hiritak batek duen maila digitala neurtzeko. Irakasle bezala, gaitasun digitalaren ardura ezinbestekoa dela deritzot. Beraz, sentimendu kontrajarriak eta hainbat gauza hobetzeko izan arren, gogor ekin behar diogu gure lanbidean gero eta garrantzitsuagoa den konpetentzia honen trebakuntzan.

Euskal Mitologiari buruzko Koowall-a

Murgildu gara Koowall-aren munduan.

Nire lehenengo Koowall-a 2.DBHkoekin batera egin dut. Uste baino zailagoa da ekintza...pertsonaiak ordenean joan daitezen ikasleek orden jakin batean lan egin behar dutelako.

Hala ere, itxura ederra hatzen doa eta ikasleen lana paregabea da!! Ikasleek Euskal Mitologiari buruzko informazioa batu ostean Euskal Mitologia 2.B Koowallean oihukatzen dabiltza!

Ebaluazio mota berrien adibideak

2007. urteko "Derrigorrezko Bigarren Hezkuntzako Dekretu Kurrikularra"ren III. eranskinean, hau da, oinarrizko gaitasunei buruzko eranskinean; hau esaten da informazioa tratatzeko eta teknologia difitala erabiltzeko gaitasunari buruz:

"Informazioa bilatzean, lortzean, prozesatzean, komunikatzean eta informazio hori jakitate bilakatzean datza gaitasun hau. Gaitasun honek eskatutako trebetasunen artean daude, besteak beste, informazioa eskuratzekoa, hura tratatu eta informazio-euskarrietara transmititzekoa, eta informazioaren eta komunikazioaren teknologiak informatzeko, ikasteko eta komunikatzeko erabiltzekoa." (Dekretu Kurrikularra, 2007, 20. or)

Antonio Pérez-ek bere "La competencia digital en el alumnado de la ESO: de la definición teórica a la realidad práctica" deituriko hitzaldian, gaitasun digitalak hartu edota ikutu ditzakeen hainbat alor aipatu eta sakontzen ditu. Haietako azkena Informazio eta Komunikazio Teknologien (hemendik aurrera IKT) inguruko gaitasunaren ebaluazioari buruzkoa da.

Hitzaldiaren atal honetan ICILSaren (International Computer and Information Literacy Study) zenbait zertzeladatxo aurkezten dizkigu. Ikerketa honetan oinarriturik, gaitasun digitala, adibidez, lau era desberdinetan ebaluatu daiteke:

1. Eskolaz kanpoko kirol talde batean izena ematea.
2. Ikasketa bidaiaren antolaketa.
3. Gazteagoak diren ikasleei gizakion arnasketa azaltzea.
4. Produktu jakin bat saltzea.

Aipaturiko lau modu hauek, 4. Derrigorrezko Bigarren Hezkuntzarako (hemendik aurrera DBH) baliagarriak dira soilik, egoera praktikoetan oinarrituak daude, eta hauek burutzeko IKT ezberdinak erabili beharko dituzte.

Guztietatik, 3. ebaluazio erari jarriko diogu arrtea. Henetan, ikasleek, 4. DBHko ikasleek, gizakion arnasketa prozesua azaldu behar diete Lehen Hezkuntzako 6. mailako ikasleei. Jarduera aurrera eraman ahal izateko 4. DBHko ikasleek arnasketa prozesuari buruzko informazioa bilatu, hau ulertu, moldatu eta azaltzeko orduan behar izango dituzten materialak (bideoak, argazkiak, eskemak, power pointak, pecha kuchak...) prestatu behar dituzte. Lan guztia IKTetan oinarriturik egingo dute, beraz hauek eskeintzen duten eskeintza zabalari esker gaitasun digitala martxan jarriko dute.

Euskara eta Euskal Literatura deituriko ikasgari (neure irakas materia baita) dagokionez, aurreko ebaluazio proba baliagarria izan daiteke; literatura, zein gramatika lantzeko.

Literatura arloan, adibidez, ikasgelan bertan landuko diren idazle edota testu motak azaltzeko balio du ebaluazio proba hau. Ikasle taldeak egin daitezke eta talde bakoitzari ikasturtean zehar jorratuko den gai bat banatu ahal zaie. Ikasleek aurkezpen data kontuan izanik haiek bilatu beharko lukete informazioa, aurkitutakoa ulertu eta prozesatu, eta aurkezpen egunerako materiala prestatu. Egun horretan irakaslea ikasleen artean jesarriko litzateke eta haien aurkezpena entzun eta ebaluatuko luke, erabilitako informazioaren baliagarritasuna, azalpenen kalitatea eta erabilitako material guztiak (aurkezpenekoak eta bibliografian agertzen direnak) kontuan izanik.

Egoera praktukoetan oinarritutako ebaluazio mota hauek oso baliagarriak direla uste dut, bai sakondutakoa, bai besteak ere. Hauei esker, nire ustez, ikasleen gaitasun digitala garatzeaz gain, oinarrizkoak diren ikasten ikasteko gaitasuna, hizkuntza-komunikazio gaitasuna eta norberaren autonomiarako eta ekimenerako gaitasunak ere, besteak beste, garatzen dira edukiak lantzen diren heinean.

Beraz, Pere Marqués-ek zioen kultura berri honen jakintza berriak ebaluatzeko era bikainak dira ICILSari esker Antonio Pérez-ek aurkeztu dizkigunak.

La competencia digital en el alumnado de la ESO: de la definición teórica a la realidad práctica - Antonio Pérez

Pere Marquésen hitzaldiaren sintesiaren power pointa

Técnicas contra el fracaso escolar y para mejorar el aprendizaje en general - Pere Marqués from txikerra

Técnicas contra el fracaso escolar y para mejorar los aprendizajes en general - Pere Marqués

Hezkuntzaz hausnartzen

Esnatzeko beharra

Kaixo,

badakit orain dela asko ez dudala blogean idazten, ezin dezaket esan lan kontuengatik dela, ez baitakuat lanik. Lan mundua oso txarto dago, eta masterra eduki arren hezkuntzan gauzak gero eta zailagoak dira.

Lau urtez euskal filologia egin ondoren eta gero Irakasle izateko masterra (lehengo CAPa) eskuratu ondoren, orain euskara irakaslea izan arren langabezian nago. Horri aurre egiteko, irribarre bat eta zenbait ikastarorekin nabil. Haietako bat: GLOTODIDAKTIKA.

AEKn klase eman ahal izateko Glotodidaktika ikastaroa ezinbestekoa omen da. Beraz, euskara irakaslea izateko asmoari gogor eutsiz hau egiten nabil. On-line egiten dudan lehen ikastaroa da, eta egia esan nahiko itxura hona dauka!

Zin dagizuet idazteari ekingo diodala berriro ere, ikastaroez edota hurbileko errelitateaz. Beraz...

EGUN ON!!

Maestro vs. Ministro

Duela astebete facebook-ean ikusi nuen argazki honek aho zabalik utzi ninduen:

Argazkia lagun batzuei erakutsi eta gaiari buruz hitz egiten egon gine. Orduan, hispaniar filologoa den lagun batek "maestro" eta "ministro" hitzen jatorriaz hitz egin zigun. Oso azalpen interesgarri eta harrigarria eman zigun, baina ezin izan nuenez guztia apuntatu, hona hemen nirekin ikasi zuen ingeles filologo batek ematen duen azalpena;

El vocablo "maestro" deriva de magister y este, a su vez, del adjetivo magis que significa "más" o "más que". Al magister lo podríamos definir como el que destaca o está por encima del resto por sus conocimientos y habilidades. Por ejemplo, Magister equitum ("jefe de caballería" en la Antigua Roma) o Magister militum ("jefe militar").

El vocablo "ministro" deriva de minister y este, a su vez, del adjetivo minus que significa "menos" o "menos que". El minister era el sirviente o el subordinado que apenas tenía habilidades o conocimientos.

Argazkiko mezua ikusita eta bi hitzen etimologia jakinda, argi eta garbi dago "ministro" edozein izan daitekeela  eta gaur egungo egoera aldatzeko "ministro" kopurua murriztu eta haientzat bideratzen den dirua "maestro"ek hezkuntzan erabiltzen dituzten baliabideak hobetzeko erabili behar dela!!

Hezkuntza Sistemaren Paradigma - Benjamin Franklin (gaztelaniaz)

Ken Robinsonek Benjamin Franklinren hitzak errezitatu zituen, eta honako bideo interesgarria sortu zuten.

"Hay 3 tipos de personas en el mundo: los inamovibles, los movibles y los que se mueven"

Galeseko eskola bateko haurrak "Ilargia" abesten

Hitzik gabe uzten nauen bideo eder horietako bat da hau.

Lehen ordezkapenaren amaiera

Nire lehen ordezkapena amairzear dago, eta orain ordezkapen honen unerik garratzenak dastatzen nabil.

Egun bat besterik ez da geratzen, pasadan hileko errutira berera bueltatzeko. Egia da, alde batetik errutina hori faltan dudala. Zeinu Hizkuntzako klaseko lagunak eta irakaslea, alemanierako ikasketa errutina finkoa eta lanik ez edukitzearen lasaitasuna. Baina aitortu behar dut, bestetik, faltan izango dudala irakastea. Eguneroko isiltasun eskaerak, ikasleen lotsagabekeri eta ausardia inozenteren nahasketa, ikasleen euskaraz hitz egiteko ahalegin korapilotsuak, ariketak prestatzea, ikasleen kexak... beno, azken hori ez daukat oso argi!

Irakasle gisa etorri nintzen Madre de Dios ikastetxera, baina ikasle ere bihurtu nintzen bertan. Egunero ikasleek egoera berri bat aurkeztu didate eta horiei aurre egiten ikasten ibili naiz ordezkapen osoa. Beraz, nolabait irakasle eta ikasle izan nahiz aldi berean. Badakit, gehienentzat behintzat, euskarako ordezko bat besterik izen ez naizela; baina haiek niretzat nire lehen ordezkapena izan dira.

Sei unibertso, 124 mundu

Azkenean irakasle bihurtu naiz. Badira bi aste ordezkapen bat egiten hasi nintzela Madre de Dios Ikastetxean. B ereduko ikasleei euskara irakasten diet, 1. DBHtik 2. batxilergora arteko sei taldetan nabil.

Egunero zerbait berria ikasten dut bai irakasle bai ikasleengandik. Egunero dago zerbait liluratzen nauena eta nire irakasle izaera sendotzen duena. Badira egun onak, baina badira ere ez hain onak direnak. Hala ere, gogotsu altxatzen naiz egunero.

Banekien pertsona bakoitza mundu desberdin bat izan zitekeela, baina orain, irakasle lanari esker, esan dezaket mundu bat baino gehiago galaxia bat izan daitezkeela ikasleak; eta taldeak, unibertso bat.

Beraz, aurrerantzean, ordezkapenak dihardun bitartean, ene sei unibertso berrietan sorturiko egoerak, kezkak eta galderak plazaratuko ditut zuon erantzunen zai.

Euskara gorren oztopo?

Orain dela urtebete aurreko blogean idatzi nuen Euskaragabeei buruz. Orduan eta orain harritzen nauen gaia da hau, harritu eta kezkatu ere.

Orduko sarreran batxilergoko ikasleekin gertatzen zenaz berri eman eta hausnartu nuen. Baina gaur, ia urtebete geroago, konturatu naiz euskaragabetasun hori etorkinetatik haratago joan daitekeela.

Badakizuen bezala Zeinu Hizkuntza (ZH) ikasten nabil inolako helburu profesionalik gabe. Atzo gure ZHko irakasleak honako hipotesi eta galdera sakona bota zigun: 

Bihar gure medikuak gor edo itsu geratuko garela esango baligu, zein nahiago genuke? eta zergatik?

Gai honi bueltaka nenbilela iazko Eskola Inklusiboko artikulua gogoratu nuen: "Gortasuna duten ikasleei erantzuna eman eskola inklusiboan". Artukulu honek hezkuntza eta gorren arteko informazioa Interneten bilatzera bultzatu nau. Orduantxe aurkitu dut "Las familias de estudiantes sordos/as denuncian al gobierno vasco" deituriko artikulua.

Bertan irakurritakoak nire harridura areagotu du eta hainbat galdera (erretoriko agian) sorrarazi dizkit:

• Gortasuna ez da elgerkeriaren sinonimoa, ezta?
• Ikasle gorrak ZH eta gaztelaniak (azken hau idatziz) osaturiko hezkuntza batean ikasten dute, ezta?
• Gorrek entzuleok baino oroimen bisual garatuagoa badute, zein da hitz egingo ez duten hizkuntza elebidun bat ikasteko oztopoa?

Ez dakit egia edo gezurra den hizkuntzen ikasketen eta goi-mailako ikasketetan dauden gorren kopuruaren arteko harremana. Baina badakit, bai, oraingoan ere euskara dela kaltetuena ikasle gorren aurretik.

Nire ustez, ikasle gorrak eta gorren komunitatea kaltetzen duen arrazoi nagusia gizartea bera da. Eta hizkuntzen ikaskuntza murrizteak ekar dezakeen gauza bakarra ez jakintasuna eta komunikazio oztopoak dira.

Beraz, zergatik ez gara saiatzen gizartea deituriko oztopoa leuntzen?